Sunday, February 04, 2007

فلنتوقف هنيئة لقد كان حقا مشوار طويل



السلام عليكم و رحمة الله و بركاته

و بعد طول عدم انتظار
و عودة للبلوج اللى محدش متابعه
أصحابى و زمايلى و دفعتى
يا من أمضيت معهم 5 سنوات من حياتى و أعتقد ان هذا شئ كاف كى أتكلم عن تجربتى معهم
فعلا 5 سنوات مرت ,مرت أيام كثيييييييييرة ضحكنا و بكينا اشتغلنا و تعبنا و صادقنا أصدقاء فى قلوبنا يقين انهم أصدقاء عمرنا , سهرنا كثييير و سلمنا كتيير و نجحنا و سقطنا و ....و.... و... ولكن كله فى فى النهاية مر و عدى و فات و فعلا مرت 5 سنين
لما لا نرجع بالذاكرة قليلا و كل منا يتذكر تجربته على قدر المستطاع....................
فاكرين أول يوم فى الجامعة , واول لوحة و أول سكيز , فاكرين يوم شراء الأدوات و اول مشروع و اول درجةحلوة و اول درجة وحشة اول ضحكة و اول دمعة و اول اعتصام يا ترى ايهم كانت اجمل سنة و ايهم اصعب سنة واوحش سنة و اغرب سنة ..... هناك أحداث كثيرة جدا عشناها لا يسطيع قلم ان يكتبها و لا أوراق تكفى كى تحصيها و لكن يكفينا انها ذكرى محفورة فى ذاكرة كل شخص فينا بشكل مختلف
زمان قبل ان أدخل الكلية كنت دائما لا أستطيع ان أتخيل ما الذى يمكن ان يكون بعدها لأنه كانت فى نظرى ان 4 او 5 سنوات عمر طويل جدا قد لا ينتهى أصلا وحتى ان انتهى و مضى فبااتأكيد حينها سأكون انسانة أخرى و قد خاب الحدس الأول لأن الأيام مرت بسرعة جدا و صدق الثانى لأنى خرجت بالفعل انسانة غير الانسانة التى دخلت و اعتقد ان هذا بينطبق على كثير منا.
و اكتشفت الكثيرمن الأشياء من خلال هذه الرحلة , وتعلمت من أصحابى أحيانا أكتر من أساتذتى و تعلقت بالمكان و الأشخاص و فى معظم الأحيان كنت أستفيد من الفشل أكتر من النجاح و قد أكون تعلمت ممن أتعارض معهم فى الرأى و الفكر و أسلوب الحياه اكثر ممن أتوافق معهم
و من خلال كل هذا اكتشفت ان اكثر وقت يمكن ان تفهم فيه الحياه هو عندما تخرج نفسك من دائرتها و تقف تتأملها و تتامل الناس و كأنك لست منهم و لا تعيش بينهم
كل منا مر بمحن و لحظات ضعف و انكسار و لحظات شعر فيها ان العالم كله ضده او لا يفهمه و شعر انه لا يستطيع ان يكمل الطريق و انه يتمنى أن يحول من الكلية و يخرج من الكابوس و طبعا لن اسرد كيف فكلنا نعلم ما مررنا به, و لكن كان طريقا اضطررنا فيه ان نتحمل و نحاول مرة و اثنان و ثلاث , منا من نجح و منا من ظل دوما يحاول و فى راى فكلاهما مستفيد و لكن بشكل مختلف.
لا تسألنى كيف و لكن علمتنا كل تلك المصاعب كيف نواجه تيارات الحياه بكل ما فيها و كيف نتقبل و متى نفر ...علمتنا أن حق الانسان فى السقوط ليس فشل و لكن الفشل ان يبقى حيث سقط.
باختصار علمنا كل ذلك ما هى الحياه و كيف نحياهاو حتى لم لم أكن معمارية و لو لم يكتب لى أن أعمل فى المهنة , لو لم أدخل العمارة لم أكن لأكون ما أنا عليه الآن , لم أكن أحب العمارة و كنت دوما ما أسئل نفسى " أنا ايه اللى دخلنى الكلية دى؟؟" و لم أستطع يوما الاجابة فانا حقا لا أذكر سوى فرحتى بدخولها و لا أذكر الأسباب و لكن بعد كل ما مضى دوما ما تتردد هذه الآيه فى أذنى " الله أعلم حيث يجعل رسالته" عقلى لا يستطيع ان يتخيل خيرا أكبر مما أنا فيه , الله مدبر كونه خلق لكل منا مهمة عليه أن يؤديها و لن يؤديها أحد غيره و لن يتوفاه الله حتى يستوفى مهمته , و فهمت أنه أحيانا فى طريق الحياه لا نفهم اختياراتنا و أحيانا لا نتقبل أقدارنا و لكن بعد مرور الوقت و حينما تتجلى لنا الحكمة فيها نفهم و نسلم و نؤمن " أن الأرض لله يورثها من يشاء من عباده و العاقبة للمتقين"
ما زال أمامنا طريق فى الحياه طال أو قصر صعب أو تمهد فسوف يمضى كما مضى ما فات و لنعلم انا كلنا فى دروب الحيا ه رواد بتجاربنا فيها بمعنى ان كا انسان تجربة الحياه له مختلفى عن الآخر و أبدا لن تكون حياتك مثل حياه غيرك , عيشوا تجاربكم بكل ما فيها من نجاح و فشل و سعادة و ألم و تأكدوا أن مدى جمال الحياه يتوقف على نظرتك اليها و اجتهادك فيها و رضاك بها و ثقتك فى من يجريها
فالنتأمل و لنفهم و لكن قبل ذلك فالنثق أنه ليس معنى أنك لا ترى الخير فى أمرك أنه غير موجود و لكن لم يأذن ربك بعد أن تراه ...
وفقنا الله و اياكم فى دروب الحياه هذا جزء من تجربتى و مما تعلمته فيها
و فى بداية النهاية أتمنى حقا و من كل قلبى أنه كما جمعتنا أقدارنا فى الدنيا ان تجمعنا رحمة الله فى الجنة

شاركونا تجاربكم و ما تعلمتم




10 comments:

ami said...

السلام عليكم و رحمة الله و بركاتة
بجد يا مروة انا مش عارفة اقولك ايه كل الكلام اللى انت قولتيه تقريبا لمس قلبى جدا و كل ما كنت بقرا كل حاجة كنت بفتكر اذاى دخلت الكلية و اول نمرة حلوة و وحشةو اول يوم و اصحابى وحجات كتيرة جدا..... فعلا مش حتكفيها الاوراق عشان نكتبها انا مش عارفة اقول حاجة انت تقريبا قولتى كل حاجة ممكن تتقال او تتحس و بجد طريقة لعرض الموضوع شيقة جدا و تخلى الواحد يكتب الى حاجة حتى لو كان شكر ليكى بجد يا مروة جزاك الله كل خير و انشاء اللهربنا يجمعنا فى الجنة ذى ما انتى قولتى جمعتنا أقدارنا فى الدنيا

hanan_hanona said...

hiii all begad ana ba7eb dof3etna kooooolaha we lama bafakar anaha akher sana batganeeen we atmana an e7na nefdal 3ala atesal isA ana 3omry ma3esht ayam gamela zay ayam elkolaya we fe3lan kasabt asdeka2 makontsh hala2ehom fe ay makan tany rabena yewafa2na elsanady koolena isA salaaaaaaaaam

hend said...

سلام عليكم فعلا يا مروة عندك حق كان مشوار طويل اى كلام حقوله مش حيزيد عن الانتى قولتيه ......بس حقيقى كل كلامك حسيته انا فعلا اتغيرت كتير فى الفترة ده شخصيات كتير اثرت فيه و اتعلمت منها و شخصيات حبيتها و شخصيات كانت غريبة عليه شوفنا كتير و بجد كانت تجارب مميزة شوفنا لحظات حلوة ووحشة بس فى الاخر و انا بفكر دلوقتى حبيت كل لحظة فيها و حغتقدها جدا واكيد كان كل موقف كويس او وحش بيضفلى جديد و بجد ربنا يجمعنا فى الجنة زى ما جمعنا قدرنا فى دفعة فنون جميلة قسم العمارة

shipo_alex said...

انا دخلت هنا بالصدفة ولم لأكن لأعلم ان هنالك من يتابع هذا المكان الذى تمنيت دوما ان اشارك فيه برأى أو يملحوظه أو بموضوع ....وللحق فقد تفاحأت كثيرا لوجود أحد لايزال يحاول الحديث عن دفعتنا وذكريات دفعتنا ولا أخفى عليكم دهشتى من الموضوع لأنه موضوع جميل جدا ولمس شيئا بداخلى والدهشه ليست لوجود من تكلم فى الموضوع ولكن لمشاركة الموضوع مع باقى الأشخاص.... كنت اتمنى مشاركة الكل ذلك لأنى فى هذا التيرم الفائت اكتشفت وجود العديد من الأشخاص فى الدفعة يملكون صوتا ولديهم القدرة على اجراء محادثات هادفه وتبادل معلومات مهمة ولم تطغى المصلحة والمادة على عقولهم بعد...من خلال تجربتى مع الدفعة تعلمت بالتأكيد تعلمت
وحزنت وبكيت وضحكت و شعرت بكل الأحاسيس التى من الممكن ان يشعر بها الإنسان فى هذه الفترة القصيرة من الزمن فأنا لم أقض معكم سوى عامان ونصف
فهى لم تكن دفعتى من الأساس ولكنها أعتقد أفضل دفعة قضيت فيها سنوات دراستى...:D
من كافة النواحى هى الأفضل وخصوصا عقليا فهناك العديد من الأشخاص الذين بهرتنى طريقة تفكيرهم بالرغم من عدم توقعى لهذا ولكن فى الحياة دوما تفشل التوقعات
اعتذر للإطالة ولكنى احببت ان اشارك لأنى لم أتحدث مع أحد منذ وقت طويل
وقد اشارك بموضوع معكم فى وقت قريب...
والسلام ختام

shipo_alex said...

انا دخلت هنا بالصدفة ولم لأكن لأعلم ان هنالك من يتابع هذا المكان الذى تمنيت دوما ان اشارك فيه برأى أو يملحوظه أو بموضوع ....وللحق فقد تفاحأت كثيرا لوجود أحد لايزال يحاول الحديث عن دفعتنا وذكريات دفعتنا ولا أخفى عليكم دهشتى من الموضوع لأنه موضوع جميل جدا ولمس شيئا بداخلى والدهشه ليست لوجود من تكلم فى الموضوع ولكن لمشاركة الموضوع مع باقى الأشخاص.... كنت اتمنى مشاركة الكل ذلك لأنى فى هذا التيرم الفائت اكتشفت وجود العديد من الأشخاص فى الدفعة يملكون صوتا ولديهم القدرة على اجراء محادثات هادفه وتبادل معلومات مهمة ولم تطغى المصلحة والمادة على عقولهم بعد...من خلال تجربتى مع الدفعة تعلمت بالتأكيد تعلمت
وحزنت وبكيت وضحكت و شعرت بكل الأحاسيس التى من الممكن ان يشعر بها الإنسان فى هذه الفترة القصيرة من الزمن فأنا لم أقض معكم سوى عامان ونصف
فهى لم تكن دفعتى من الأساس ولكنها أعتقد أفضل دفعة قضيت فيها سنوات دراستى...:D
من كافة النواحى هى الأفضل وخصوصا عقليا فهناك العديد من الأشخاص الذين بهرتنى طريقة تفكيرهم بالرغم من عدم توقعى لهذا ولكن فى الحياة دوما تفشل التوقعات
اعتذر للإطالة ولكنى احببت ان اشارك لأنى لم أتحدث مع أحد منذ وقت طويل
وقد اشارك بموضوع معكم فى وقت قريب...
والسلام ختام

Foula said...

Ana mesh 3aref a2ool eah .. ana 3omrey mat3alla2t be naas zayokom .. we fe3lan meday2 geddan enny 7ashofkom le a7'er sana !!!!... kan nefsy a3eesh ma3 el weshoosh de tooool 3omry ... I LOVE U DOF3A .. ya rab nefdal sawa 3alatool :)))

maha said...

السلام عليكم
وحشتونى جدا ياجماعة بقالى كتيير مبدخلش البلوج ومابعتش كومنت لكن صراحة الموضوع الىكتباه مروة يشجع الواحد انة يعلق
ياااااااااااااة عدت 5سنيين فى الكلية انا فكرة اول يوم دخلت فية الكلية اد اية كنت سعيدة انى دخلت واحدة من كليات القمة وانى احقق رغبة والدى فى انى اكون مهنسة اد اية كنت فرحانة وكان عندى نهم شديد انى ابدا اتعلم ما كنتش اعرف الى منتظرنى وعدت اعدادى وما كنتش صعبة اةى واكنى قبلت فيها صعوبة شوية فى الاول وجاءت سنة اولى الى تعتبر اوحش سنة مرت علية فى الكلية اد اية كنت مكتئبة اد اية مكنتش عارفة اشتغل بس حاقول اية اهى عدت وخلاص جت السنة التانية والى انا بعتبرها سنة مالهاش لزمة من النا حية الدراسية انا عن نفسى مش حاسة انى اتعلمت حاجة ولكن من الناحية الاجتماعية هى تعتبر مثمرة لانى اتعرفت على اصحابى وتوطدت علاقتى بيهم والحمد للة انا بشكر اللة عز وجل انة رزقنى بالصحبة الصالحة
سنة تالتة - ودية تعتبر احلى سنة مريت بيها لانى استفدت دراسيا جدا من دكتور حاتم الى علمنى يعنى اية تصميم بجد وربنا يجزية خير
وصحابى الى انا وهم بانا اكتر من الاخوات فعلا بنخاف على بعض وبنحس بشعور بعض
والترابط الى حصل بين الدفعةوانتهاء السنة باجمل حفلة حضرتها فى حياتى
ثم تاتى سنة رابعة هو الواحد لسة ما خلصهاش لكن ممكن اقول ان الترم الى فات الحمد للة ليس سيئا بالرغم من حدوث بعض المناوشات بين افراد الدفعة والمعيدبن ولكن حنتغاضى عن هذا ارجو من اللة ان يهون الترم القادم
- فعلا الاربع سنوات التى مروا علية الواحد اتعرض لمواقف كثيرة منها الوحش ومنها الحلو ولكن هى فى النهاية تزيد من خبرتك فى الحياة وفى رؤيتك للامور لا انكر ان الكلية فعلا حتوحشنى لما اسبها وحتوحشنى لمة صحابى
بارب ذى ما جمعتنا فىالدنيا جمعنا فى الحنة.

Moslma-N said...
This comment has been removed by the author.
Moslma-N said...

ما شاء الله ربنا يوفقك يا مروة فى الدنيا و الاخرة و يجمعك بالصحبة الصالحة دى فى الجنة ان شاء الله
عالفكرة انا بعتلك تاج , الاسئلة على المدونة "شوية افكار", ياريت اذا مفيش حرج تجاوبى عليها و لكى جزيل الشكر

hanan_hanona said...

السلام عليكم يا جماعة انا كنت عاوزة اطلب منكم طلب صغير ممكن كل مانفتكر ايامنا الجميلة فى الكلية واصحابناو مواقفنا ونتفرج على صوارنا نفتكر انسانة قدر الله لها انها متكونش معانا دلوقتى (انجى ) وياريت يكون لها نصيب من دعائنا ونقرا لها الفاتحة بجد انا بندم لما بحس انى فى يوم ممكن اكون زعلتها او مكنتش بتكلم معاها وعاوزة اقول لكل الناس سواء الى ليا كلام معاهم او لا انا مش عاوزة اى حد يكون زعلان منى وبعتذر لاى شخص اكون ضايقته بكلمة او بتصرف واتمنى من الله انه يوفقنا كلنا ونحقق كل الى بنتمناه سلالالالالالالالام يا احلى دفعة فى الدنيااااااااا :)