ماذا تعلمنا هذا العام

ا السلام عليكم و رحمة الله و بركاته

أعتقد انه جه الوقت اللى البلوج ده يؤدى المهمة الى اتعمل علشانها اننا نتواصل ونشكى و نخفف على بعض فيه نقط أنا حاسة انها جوة كل واحد فينا تجعله يشعر أنه مساق فى طريق خاطئ ليس له اختيار سوى أن يسلكه

ماذا أخذنا هذا العام؟ محاضرات مبتتخدش و ان اتخدت مبتفدش و كل اللى بناخده معلومات مكررة و كأن خلاص احنا عارفين كل حاجة و مفيش داعى لاضافة اى معلومات

و بالطبع رفع شعار سلم و بلاش تتعلم ليكمل السمفونية اصبحنا نخرج من تسليم الى تسليم و يا ليتنا نستفيد شيئا و نضطر من أجل التسليم اننا لا نبحث عن الجديد و لا المفيد و انما نكرر عمل ما نعرفه من أجل التسليم مما جعل الأمر لا فائدة منه , ألغيت آدميتنا و كأننا أصبحنا مكن مطلوب منه أن يعمل دائما دون كلل أو ملل أو شكوى و حتى الشكوى أصبحت بلا جدوى حتى صرنا نحن لا نرغب أصلا فى قولها

و بالرغم من اننا فى أحوج ما نكون ان نتعلم شيئا فيما بقى لنا فى الكلية الا اننا نجد انفسنا لا نتعلم شيئا مما جعل السؤال البديهى يتبادر اللى الأذهان ما الفائدة من هذا العام ؟؟؟!!!!! أعتقد انه كمالة عدد الى ان الكلية تبقى 5 سنوات

أصبنا بالاحباط خاصة اننا اصبحنا على مشارف الاحتكاك بالحياة العملية و سوف تتغير حياتنا جزريا و نصبح مسئولين فى الدنيا و مطلوب منا ان ننتج ولكن كيف تنتج الارض زرعا و لم تسقى بماء و لم تبذر بالبذور؟؟؟

مطلوب منا الآن اننا نتواصل و نتكلم مع بعض علشان نلاقى حل لأننا المتضرر الوحيد يعنى لازم نحاول ننقذ أنفسنا و لو مقدرناش نعمل اى فرق يمكن ننفذ اللى بعدنا الله تعالى اعلى و اعلم مش يمكن يكون اصلاح اللى بيحصل على ايدينا؟

يلا نتكلم نفكر نفترح ايه اللى ممكن يتعمل علشان نتعلم حاجة مفيدة السنة دى

و يا ريت تردوا خلينا نحس ان لسة فيه ناس فايقة فينا و عايزة تتعلم حاجة

جزاكم الله خيرا كثيرا

waiting 4 ur comments